تعرفشي علاش ؟؟؟… بقلم : نجيبة نجوبة بن تراديت

على جناح بعوضة

تعرفشي علاش ؟؟؟

تعرفشي علاش… وخّرنا وما قدّمناش ؟؟؟

خاطر ما حكيناش….ما إتناقشناش

ما تحاورناش لا خذينا راي كبيرنا ولا فهمنا صغيرنا

خلينا طاقاتنا ووثقنا في غيرنا ومشى خيرنا لغيرنا

تعرفشي علاش ؟؟؟

ارْخٌصْنا وما غليناش ؟؟؟

خاطر بعضنا ما حبّيناش

و في بعضنا ما وثقناش

لا سمعنا نصيحة أجدادنا ولا قرينا تاريخنا

تبّعنا الغرب وولّلت عاداتهم عاداتنا

خلّينا قرآننا …. دستورنا …. رسولنا

نبيّنا صار التّقليد والتّطور هو دينّا و حتّى عروبتنا

نسينا تعرفشي علاش ؟؟؟

ضعنا و ما وصلناش ؟؟؟

خاطر طريق الحق ما تبّعناش

خاطر ما صبرناش 

ما ضحّيناش…… ما حاولناش

لا خذينا عبرة و دروس من ماضينا

ولا تأقلمنا مع حاضرنا وزيد في المستقبل ما فكرناااا …. ش

عرفتشي علاش ؟؟؟

عرفتشي المشكل توّه…. ولاّ ما عرفتاش ؟؟؟

و الحل آشنوة ؟؟؟

ولاّ كيف العاده ما لقيناش …. ما عرفناش ….ماثمّاش ؟؟؟

 

بقلمي /// نجيبة الجّربيّة

Advertisements